In ’n neutedo(r)p
Hoe ver van die grootstad af? 330 km van Pretoria en 360 km van Johannesburg af. Veel nader is Tzaneen (146 km), Nelspruit (142 km), Witrivier (127 km) en Lydenburg (48 km).
Winkels Try Me Dealer is die algemene handelaar, maar mense koop hulle groot kruideniersware op Lydenburg. By die Oasis-winkelsentrum is daar ook ’n vulstasie, kafee, slaghuis en drankwinkel. Naaste hospitale Nelspruit het verskeie hospitale waarvan talle privaat is. Effens nader, tussen Nelspruit en Witrivier, is die Kiaat- private hospitaal. Naaste Woolies Witrivier.
gebou. Hy gee geskiedenis vir gr. 12leerlinge aan die Matshaile Senior Sekondêre Skool.
Sam sê hy geniet die stilte op Ohrigstad. “Jy sal net nou en dan ’n geraas hoor, wanneer die Afrikaners makietie hou. Hier is ’n kroeg hoër op in die straat, die Joeques Sports Bar. Wanneer daar rugbywedstryde uitgesaai word, kan dit lekker plesierig raak!”
Sam het self ook ’n bietjie rugby gespeel vir die Ohrigstad-klub, deesdae die Laeveld Ratels. “Ek was aanvanklik fanaties oor sokker, maar toe ek hier kom, is daar nie sokker nie. Toe word die rugbyspan in 2012 gestig en nou geniet ek rugby meer as sokker.”
Al kan sy ribbes dit nie meer hou nie, bly Sam betrokke by die klub. “Ek wou aftree, maar die span wou my nie laat gaan nie. Nou is ek die voorsitter van die Ratels.”
Vir Sam is die ander groot pluspunte die rol van die Laerskool Ohrigstad en die Boerevereniging in die vallei. “Die Boerevereniging hou ons dorp veilig.
Daar is gereeld patrollies – hulle gaan nie uit om iemand te betrap nie, maar wil net hulle eiendom beskerm,” verduidelik hy.
En die skool? Sam beskou sy kinders se onderrig as uitstekend. Sy seun is in die Laerskool Ohrigstad en sy dogter is op Lydenburg op hoërskool. “My kinders het fantasties aangepas. Hulle speel met enigiemand en sien nie kleur raak nie.” Sy seun en dogter praat sommer Afrikaans met mekaar as hulle tuis is. “Ek verstaan nie eens wat hulle sê nie; hulle kan maklik agter my rug skinder.”
Sam se liefde vir jong mense en hulle onderrig is ooglopend en hy doen moeite om vir sy leerlinge die plaaslike geskiedenis te leer. “Die kinders kry navorsingsprojekte met die Voortrekkers as tema. Ek reël dat Ronnie en Jan Ferreira saam na die Voortrekkerfort gaan en hulle help dan om die geskiedenis te vertel. Met artefakte raak dit meer prakties; die kinders vind aanklank by die inhoud en stel meer belang in hulle omgewing.” >