’n Bedrywige kalender

Op Val is daar omtrent meer geleenthede in ’n jaar as inwoners. In Januarie het die geskiedenisgroep die Culture Vultures bymekaargekom, en in Februarie was daar ’n wynproe met ’n optrede deur die Buurman Blues Band. Vir die res van die jaar word die volgende beplan.

• 28 Maart Die Boer &Brit-dag word vanjaar die 11de keer gehou en is ’n viering van die “whiskytrein”-voorval in 1900 toe die Boere 4 km buite Val ’n Britse goederetrein voorgelê en vyf ossewaens vol drank buitgemaak het. Uiteindelik het hulle ’n heerlike partytjie gehou saam met die Britte wat hulle gevange geneem het.

• 4 April Impac-filmfees (in Engels – hoe anders? – Impac Film Festival)

• 24-27 April Skrywersnaweek

•30Mei Fotografieslypskool

• 27 Junie Kar-na-val-uitstalling van antieke voertuie

•1Julie Boeredag Dis ’n groot storie, hoor ’n mens, die jaarlikse Boeredag van die Watervalboerevereniging. Nou nie heeltemal Nampo nie, maar amper.

• 9 Augustus 100 jaar van Mode

• 24 September Internasionale kosfees (in Engels Food Festival)

• 31 Oktober Spookstories om die kampvuur

Vir navrae oor enige van die geleenthede – trouens, enigiets wat op Val gebeur, ook rakende die winkel en museum – kontak vir Rita by die Val-hotel.

info@valhotel.co.za 082 550 5540 valhotel.co.za Valhotel