Pienk plesier
Die soet, aardse geur en sterk kleur van beet maak dit ’n puik keuse vir dié heilsame dog geurige herfsslaai.
Slaai met gerookte beet en jogurt
Dié heerlike, fieterjasielose slaai het ons in Harrods se slaaitoonbank raakgeloop terwyl ons onlangs in Londen gekuier het. Die olywe is opsioneel.
Genoeg vir 4-5 Bereidingstyd 5 minute
JY BENODIG
• 1 pakkie (300 g) Ina Paarman se Geroosterde Beet, middeldeur gesny – hou ¼ koppie (60 ml) van die marinade
• 1 koppie (250 ml) volvetgriekse jogurt
• 1 klein rooiui, in dun halwe
ringe gesny
• ½ teelepel (2,5 ml) Ina Paarman se Groenuiegeurmiddel
• 1 wiel feta, grofgekrummel • ¼ koppie (60 ml) ontpitte
groenolywe (opsioneel)
• vars roketblare
SÓ MAAK JY
Meng die beetmarinade wat jy uitgehou het, met die jogurt en smeer dit oor ’n bord met ’n randjie. Pak die beetstukke bo-op. Geur die ui liggies met Groenuiegeurmiddel en sprinkel dit oor die beet, gevolg deur die fetastukkies. Voeg groenolywe by (indien jy dit gebruik) en rond die slaai af met roketblare.