Sop van oondgeroosterde beet
Genoeg vir 4 Bereidingstyd 15-20 minute Baktyd 1uur
JY BENODIG
• 50 ml olyfolie
• 1 rooi soetrissie, middeldeur gesny en ontpit • 1 geel soetrissie, middeldeur gesny en ontpit • 6 Italiaanse pruimtamaties, middeldeur gesny
• 2 middelslag-uie, geskil en in kwarte gesny • 2 heel ongeskilde knoffelhuisies
• 2 Granny Smith-appels, klokhuis verwyder
en in kwarte gesny
• 500 g beet, gewas en middeldeur gesny • sap en skil van 1 suurlemoen
• 350 ml tuisgekookte of goeie
aangemaakte hoenderaftreksel
• 100 ml Bulgaarse jogurt (of gebruik room) • 100 g geroosterde kersietamaties vir
garnering (opsioneel)
• vars brood om voor te sit
SÓ MAAK JY
Verhit die oond tot 200 ºc. Smeer ’n groot oondbak met olie. Pak die soetrissie (met die velkant na bo), tamatie, ui, knoffel, appel en beet in die oondbak, drup olyfolie oor en geur dit na smaak met sout en varsgemaalde peper. Bedek die bak met foelie.
Bak die groente vir ongeveer 30 minute – onthou om die oondpan ’n paar keer te skud terwyl dit bak. Haal die foelie af, verlaag die hitte tot 160 ºc en bak dit vir nog 30-40 minute. Die soetrissiehalwes se skil moet swart wees en die tamaties die helfte van hulle oorspronklike grootte. Skep die soetrissiehalwes oor in ’n plastieksakkie, bind dit toe en laat dit vir ’n paar minute sweet sodat jy die skille maklik kan aftrek.
Trek die beet se skil af terwyl dit nog warm is en sit dit saam met die res van die geroosterde groente en die soetrissiestukke in ’n voedselverwerker – jy kan ook ’n staafmenger gebruik. Pols dit fyn en giet dit oor in ’n middelslag-kastrol.
Geur die groentepulp met die sap en skil van ’n suurlemoen, roer die hoenderaftreksel by en geur dit na smaak met sout en varsgemaalde swartpeper.
Verhit die sop tot kookpunt en laat dit vir ’n paar minute prut voor jy die kastrol van die plaat af haal. Roer die jogurt of room by en sit dit voor met geroosterde kersietamaties en vars brood.