Beetpiekel
Sorg dat daar altyd van hierdie soetsuur beetpiekel in jou yskas is – dis ’n heerlike bykos by ’n gewone of wildsburger.
Maak 1 groot of 2 kleiner flesse Bereidingstyd 10-15 minute Gaarmaaktyd 15-20 minute
JY BENODIG
• ¼ koppie (60 ml) olyfolie
• 1 kg rooiuie, geskil en in skywe gesny
• 3 heel koffelhuisies, geskil en grofgekap • 1 rooi brandrissie, in lang repe gesny
• 1 rooi soetrissie, in dun repe gesny
• 1 kg beet, geskil en gerasper of in skywe gesny
• 150 ml witwynasyn
• 300 ml sagte bruinsuiker
• 2 ml varsgemaalde swartpeper
• 2 lourier- of suurlemoenblare
• skil van 1 suurlemoen
SÓ MAAK JY
Verhit die olie in ’n kastol en braai die ui, knoffel, brandrissie en soetrissie vir ’n paar minute oor lae hitte.
Roer die beet, asyn en bruinsuiker by. Geur die mengsel met sout en varsgemaalde swartpeper na smaak en verhit dit tot kookpunt. Verlaag die hitte en laat dit vir ongeveer 10 minute prut.
Haal die kastrol van die plaat af en skep die beet in gesteriliseerde flesse. Druk die lourierblare en suurlemoenskil daarin. Laat dit afkoel, draai die flesse styf toe en hou dit in die yskas.