Parmesaan-braaiaartappels

Mariëtte van der Westhuizen se resep verskyn in Resepte van die suidpunt van Afrika, wat in 1997 deur die Laerskool Bredasdorp uitgegee is.

Genoeg vir 8-10 Bereidingstyd 10-15 minute Gaarmaaktyd 1½ uur

JY BENODIG

• 24 middelslag-aartappels met

die skil

• 40 g parmesaankaas, gerasper • 50 ml fyngekapte pietersielie • 100 ml olie

SÓ MAAK JY

Sit die aartappels in ’n groot kastrol, bedek dit met water en kook dit tot net-net sag. Gooi die water af en trek die skille af sodra die aartappels koud genoeg is om te hanteer. Verhit die oond tot 180 ºc.

Skraap die aartappels met ’n vurk en sit hulle een-een in ’n plastieksak met die kaas en pietersielie. Skud dit om die aartappels oraloor te bedek en pak dit in ’n oondpan. Sprinkel die olie en sout na smaak oor. Oondbraai dit vir 60 minute of langer en draai dit gereeld om. Pak die aartappels om die boud.