Koop die boek

Saam – ’n Eeu van Suid-afrikaanse gemeenskapsresepte deur Errieda du Toit is ’n tongin-die-kies hardebandboek met ’n groot verskeidenheid resepte wat net so ruimhartig, gasvry en vol warmte is soos die huiskokke wat dit oorspronklik gedeel het. Vir dié Suid-afrikaanse eerste het Errieda haar verdiep in 150 boekies met omkrulblaaie vol kosvlekke wat die afgelope 100 jaar deur vrouegroepe, skole, klubs en kerke uitgegee is om geld in te samel vir ’n goeie doel. Maklike, flatervrye en liplek-lekker kos is gewaarborg met dié treffers wat wissel van die aanhouers (die langasem-resepte wat bly oorleef ), die flatervryes (epiese staatmakers) en kos vir oor-en weer-kuiers tot retro gunstelinge wat ons as erfeniskos koester. Dit word uitgegee deur Struik Lifestyle en kos R360 by boekwinkels landwyd.

Wen

Ons gee twee eksemplare weg van Saam. Stuur ’n e-pos met jou naam, straatadres en telefoonnommer na helloplatteland@gmail.com met die woorde “Herfs Saam” in die onderwerplyn. Die sluitingsdatum is 29 Mei 2020.