In ’n neutedo(r)p
Hoe ver van die grootstad af?
Mbombela (20 km), Pretoria (330 km), Johannesburg (360 km)
Naaste hospitale
Die Kiaat- private hospitaal, 10 km buite Witrivier op die pad Nelspruit toe, en die Rob Ferreiraprovinsiale hospitaal in Nelspruit. Witrivier. Mbombela-munisipaliteit. Die Casterbridge Lifestyle Centre dien as ’n venue vir die Innibos-kunstefees, maar ook vir dokumentêre en fliekfeeste, boekbekendstellings, komedievertonings en kunstentoonstellings. innibos.co.za 013 741 5294
Naaste Woolies Munisipaliteit Groot gedoentes
Dans-en-fiksheidsinstrukteur, en finansiële raadgewer
Tash is omtrent bruisend van energie. Sy is ’n fiksheids-en-dansinstrukteur wat saam met haar vriendin Kerri Dunshea aan die stuur is van Secret Sunrise Lowveld, ’n maandelikse geleentheid waar mense dans, strek, mediteer en in die natuur uitreik na mekaar. Tash en Kerri fasiliteer uur lange sessies met koordlose oorfone – dus kan hulle ook op stil en rustige plekke baljaar sonder om enigiemand te steur.
Tash het in Pretoria en Johannesburg gewoon voor sy ses jaar gelede die skuif gemaak het Witrivier toe. Sy en haar man, Philip, het ’n huis aan die Longmeredam. Sy is ’n deeltydse finansiële raadgewer by die Nasionale Tesourie. “Ek het uit my werk by die Ontwikkelingsbank van Suider-afrika bedank om hierheen te kom. Kwaliteit tel meer as kwantiteit,” sê sy en lag vir die geplas langs haar. Dis Sparkie, haar weimaraner, wat ’n vis probeer vang in die dam.
Sy sê Witrivier het ’n lewendige gemeenskap, maar om dinge te reël kan ’n uitdaging wees. “Ons het ’n fantastiese lewensgehalte en word omring deur die natuur. Maar juis daarom gaan mense nie graag uit nie. Hulle ontlaai eerder nader aan die huis.”
Tash ontspan graag in die natuur en is gek oor die somer. “Ons word omring deur damme en woude, en ek kan met my honde gaan stap sónder leibande.”