Wat hulle maak of verkoop
BROOD & GEBAK
• Boerbrood (in drie groottes), broodrolletjies, mosbrood, boer-, karringmelk-, gesondheids- en anysbeskuit, skons, koeksisters, hertzoggies, vrugtekoek, vlaskywe, konfyttertjies, melkkos, melktert, suurlemoenmeringuetert, sjokoladekoek, vanieljekoek, wortelkoek en pizza op bestelling (op die dag van Platteland se besoek moes hulle juis 19 pizzas vir die Voortrekkers bak).
• Sarel sê: “Jy kry nie nog sulke pies in Suid-afrika nie. Ons maak alles van scratch af en sit sommer die Rennies in die deeg!” Jy kan die volgende geure hier koop (gaar, rou of in gesinsgrootte): gewone beesvleis, beesen-uie, pepersteak, steak-en-niertjies, beesworsrolletjie, hoenderworsrolletjie, potjiekos/ kornies, hoender, kerriehoender, wild, kerriewild, spinasie-en-feta, soetsuur vark, skaap en kerrieskaap. (Die topverkopers wissel, maar die pepersteak, steak-en-niertjie en wildspasteie pryk gewoonlik boaan die lys).
• Hier word koffie-, gemmer-, soet-, hawermout-, klapper-, sjokoladesplinteren Zoo-koekies gebak asook Skotse brosbrood. • Plaasbotter, gemmerbier, pynappelbier, boerseep, heuning en kondensmelkkoffie.
PASTEIE KLEINKOEKIES ANDER TRADISIONELE PRODUKTE
Braam het destyds nog by Monsanto gewerk, en vandag is die egpaar en hulle twee kinders, Annique (14) en Zian (12), tuis in Nestpark digby Bapsfontein, waar Letitia en Sarel woon.
Broodblik en Koffiepit se oorspronklike geboutjie dateer volgens datums op die dakplate uit 1933 en lê op sy eis hier op die plaas Pinedene wat Letitia se pa destyds geërf het maar waarop hy nooit geboer het nie. In dié deel van Gauteng word meestal met mielies, koring, soja en aartappels geboer, maar op die stoep van die padstal staan daar vanoggend ook ’n emmer vol goudgeel sonneblomme teen ’n verspotte R2 per steel wat ’n boer hier kom aflaai het.
“Iemand vertel my anderdag as jy al die kos wegvat wat in die stuk oos van Pretoria geproduseer word – Cullinan, Bronkhorstspruit, Delmas, seker tot hier by Bapsfontein rond – sal ’n derde van Gauteng honger gaan slaap,” sê Adéle.
SEDERT BROODBLIK EN KOFFIEPIT se geboorte is daar aangebou en opgeknap, en vandag bestaan die onderneming uit ’n bakkery met ’n tuisnywerheidagtige winkel en ’n koffiewinkel-restaurant met sitplek vir 140 mense – 30 binne en 110 buite in die sjarmante agtertuin met sy moerbei- en ander bome vol vinkneste, werfhoenders en speelplek
vir kinders. Adéle bak self die stuk of 14 koeke wat weekliks hier verorber word.
Die bakkerywinkel verkoop basiese kafeegoed en hulle eie tuisgebak, wat werklik uit die boeke is. Daar is ook ’n spesiale hoek met rakke vol vele flesse ingemaakte produkte – die meeste daarvan Letitia se eie handewerk. Van groenvye en papajakonfyt tot mangoblatjang sal jy hier kry, plus ’n keur van Ina Lessing (sien Platteland #1, Somer 2013-’14) en Wildebraam se produkte.
Die ander vertrekkie wat uit die hoofruimte loop, noem hulle die geskenkwinkel. Hier hang ’n paar kunswerke deur Letitia, wat in 2016 die skilderkwas opgeneem het, en op die rakke pryk handgemaakte dekoritems, geskenke en speelgoed, baie daarvan ook Letitia of Adéle se handewerk.
In die week is die klante ’n mengsel van verbyryers, boere, sakemanne, Bapsfonteiners en huisvroue. Dan werk tien mense voltyds by die padstal. Maar op Saterdae stop tot 260 fietsryers van douvoordag af hier – dan word die hulp van ’n ekstra vyf of ses tydelike werkers ingeroep. Dan, op die laaste Saterdag van die maand wanneer die Windpomphandwerkmark in die pad voor die padstal gehou word, skiet dit soms op tot twaalf ekstra mense en moet die spyskaart by die restaurant noodgedwonge verkort word om by te hou.
En om te dink dié koffie-en-broodstorie word toe ’n storie van invloed. Wat begin het by ’n papiertjie in ’n God can. En toe ontaard het in ’n bakkery wat 10kg meel op ’n slag bak – genoeg voorraad vir ’n week! En kyk nou vir hulle. Wie het gesê ’n mens kan nie van brood en koffie alleen lewe nie?
Broodblik en Koffiepit 083 445 1608 (Adele) of 079 882 5890 (Sarel) adelekoffiepit@gmail.com
• Die bakkerywinkel is oop Maandae tot Vrydae van 07:00 tot 17:00 (die koffiewinkel sluit op weekdae ’n uur vroeër) en op Saterdae en openbare vakansiedae (Christelike vakansiedae uitgesluit) van 07:00 tot 15:00. Broodblik en Koffiepit doen nie sake op Sondae of Christelike vakansiedae nie.
• Die Windpomp-handwerkmark word op die laaste Saterdag van die maand van 08:00 tot 14:00 reg voor die padstal gehou. Hou die Facebookblad dop vir wanneer die mark weer ná die inperkingstyd hervat word. Windpomp Handwerk Mark @ Broodblik en Koffiepit Bapsfontein