Thaise groenkerrie
Ek het dié wonderlike resep 20 jaar gelede raakgeloop toe ek as kosassistent by Sarie gewerk het. Vir vegans en vegetariërs vervang jy eenvoudig die hoenderborsies met nog ’n groot patat.
4
Genoeg vir Bereidingstyd
30 minute plus 60 minute marineertyd 20-30 minute
Gaarmaaktyd
JY BENODIG
• 4 hoenderborsies sonder vel of been
• 1 groot patat (omtrent 500 g)
• 1 eetlepel (15 ml) sonneblomolie
• 1 blik (400 ml) klappermelk
• ½ koppie (125 ml) kasjoeneute, gerooster • 250 g rysnoedels
• ekstra koljanderblare vir garnering
VIR DIE GROENKERRIESMEER
• 1 stuk sitroengras (lemon grass), skoongemaak en fyngekap
• 2 eetlepels (30 ml) fyngerasperde vars gemmer
• 2 knoffelhuisies, geskil
• 1 bossie sprietuie, gewas en gekap
• 2 brandrissies, ontpit en gekap
• ¼ koppie (60 ml) vars koljanderblare,
grofgekap
• sap en skil van 1 suurlemoen
• 2 eetlepels (30 ml) olyfolie
SÓ MAAK JY
Sny die hoender in blokkies, geur dit na smaak met sout en varsgemaalde swartpeper en plaas dit vir 1 uur in ’n glasbak om te marineer.
Skil die patat en sny dit in groterige stukke. Kook dit in soutwater tot net-net gaar en laat dit eenkant dreineer.
Plaas al die bestanddele vir die smeer in ’n voedselverwerker en pols dit tot ’n gladde smeer. Meng die helfte van die kerriesmeer met die rou hoenderblokkies en laat dit vir
’n uur marineer.
Verhit die olie in ’n groot, diep pan en braai die gemarineerde hoenderblokkies in sarsies tot net-net gaar. Meng die gaar patat by die gaar hoender. Roer die res van die kerriesmeer saam met die klappermelk by en verhit dit tot kookpunt. Verlaag die hitte en laat dit vir ’n paar minute prut tot die patat warm en geurig is. Kap die kasjoeneute in growwe stukke en roer dit deur die kerrie.
Kook intussen die rysnoedels, laat dit dreineer en sit dit voor saam met die kerrie en ekstra koljanderblare.
Maak die groenkerriesmeer