Patatslaai met harissasmeer

Dié resep lewer genoeg patat vir twéé slaaie. Danksy die marineerproses kan jy die patat vir tot twee weke in die yskas hou.

6

Genoeg vir Bereidingstyd

30 minute plus marineertyd oornag 20-30 minute

Gaarmaaktyd

JY BENODIG

• 2 middelslag-patats (600-700 g), geskil en

in blokkies van 5 cm gesny

• 2 eetlepels (30 ml) suurlemoensap

• 2 teelepels (10 ml) strooisuiker • geroosterde halwe jong eiervrugte • geroosterde kersietamaties

• blaarslaai van jou keuse

• fetakaas, gekrummel (of tzatziki met

ekstra fyngekapte vars ment bygeroer)

VIR DIE HARISSASMEER

• 1 rooi soetrissie

• 2 teelepels (10 ml) heel koljandersaad

• 2 teelepels (10 ml) heel vinkelsaad

• 1 teelepel (5 ml) fyn komyn

• 2 brandrissies, grofgekap

• 3 knoffelhuisies, geskil en gekap

• 2 teelepels (10 ml) fyngerasperde vars gemmer

• sap en skil van 2 suurlemoene

• 1 koppie (250 ml) elk fyngekapte

koljander- en mentblare

• ¼ koppie (60 ml) sonneblom- of olyfolie

SÓ MAAK JY

Verhit ’n kastrol vol soutwater tot kookpunt. Gooi die helfte van die patatblokkies in, verhit dit weer tot kookpunt en laat kook dit vir 1 minuut. Skep die patat uit en laat dit in ’n vergiettes dreineer voordat jy dit in ’n glasbak skep. Doen dieselfde met die orige patat. Meng die suurlemoensap en strooisuiker en roer dit deur die warm patatblokkies. Laat dit oornag marineer.

Rooster die soetrissie tot die skil pikswart is en laat dit in ’n plastieksak sweet voor jy die skil en pitte verwyder. Pols die soetrissie saam met die ander harissabestanddele (behalwe die olie) in ’n voedselverwerker, geur dit na smaak met sout en swartpeper en voeg die olie stadig by terwyl die masjien loop tot dit ’n dik, gladde smeer vorm.

Rangskik die eiervrug, kersietamaties en blaarslaai in ’n groot opdienbord. Meng van die gemarineerde patat met die harissa en skep dit op die groente.

Krummel feta oor of skep lepels vol geurige tzatziki by die slaai.

Maak die harissasmeer