Pampoen-ensaffraanrisotto
As jy van pampoen hou, sal jy gaande wees oor dié risotto wat danksy die saffraan die mooiste kleur kry. Ek sit dit voor met salieblare wat in botter gebraai is plus ekstra parmesaankaas.
Genoeg vir 4 (as hoofgereg) of 6 (as voorgereg) Bereidingstyd 30 minute Gaarmaaktyd 15-20 minute
JY BENODIG
• ¼ koppie (60 ml) botter
• 250 g risottorys (soos arborio
of carnaroli)
• 1 ℓ goeie aangemaakte of tuisgekookte
groente- of hoenderaftreksel
• ½ teelepel (2,5 ml) saffraan
• 500 g gaar pampoen
• koppie (80 ml) vars room plus ekstra
om voor te sit
• ’n knippie neutmuskaat
• 50 g gerasperde parmesaankaas
plus ekstra om oor te sprinkel
VIR DIE SALIEBLARE • 12-15 salieblare
• 2 eetlepels (30 ml) botter
SÓ MAAK JY
Smelt die botter in ’n swaarboomkastrol en roerbraai die ryskorrels tot dit oraloor met botter bedek is. Voeg ’n bietjie van die aftreksel en die saffraan by. Hou aan om die aftreksel lepel vir lepel by te voeg terwyl jy dit aanhoudend oor lae hitte roer. Die rys behoort ná ongeveer 20 minute sag te wees.
Voeg die pampoen en room by en geur die mengsel na smaak met sout en varsgemaalde swartpeper. Roer ook ’n bietjie neutmuskaat en die parmesaankaas by. Die risotto moet ’n fluweelagtige tekstuur hê en taamlik dik wees, maar steeds van die lepel afloop.
Maak die salieblare
Braai die salieblare in die botter tot dit verbruin.
Skep die risotto in individuele bakkies en sit dit voor met ’n paar druppels ekstra room, ’n strooisel gerasperde parmesaankaas en die salieblare-en-botter. >