Klapper-en-vanielje-malvapoeding met klapperkrummels en -vla
Hierdie is amptelik die opwindendste malvapoeding wat Platteland in ’n lang tyd geëet het: Klapperroom word vir die sous gebruik, klappermelk vir die vla, en die klapperkrummels wat jy self maak, sorg vir ’n ongelooflik lekker bros tekstuur.
Genoeg vir 6
Bereidingstyd 20 minute
Gaarmaak- en baktyd omtrent 40 minute
JY BENODIG
• 1½ koppie (375 ml) koekmeel
• 2 teelepels (10 ml) bakpoeier
• 1 teelepel (5 ml) koeksoda
• ½ koppie (125 ml) bruinsuiker
• 2 groot eiers
• 3 eetlepels (45 ml) fyn appelkooskonfyt • 2 eetlepels (30 ml) gesmelte botter
• ¾ koppie (180 ml) melk
• 1 eetlepel (15 ml) asyn
VIR DIE KLAPPERKRUMMELS
• 150 g koekmeel
• 100 g versiersuiker
• ½ teelepel (2,5 ml) fyn kaneel
• 150 g klapper
• 100 g botter teen kamertemperatuur,
in blokkies gesny
VIR DIE KLAPPERVLA
• 1 koppie (250 ml) volroommelk • 1 blikkie (400 ml) klappermelk • 1 koppie (250 ml) witsuiker
• 3 eiergele
VIR DIE SOUS
• 2 koppies (500 ml) bruinsuiker
• 2 teelepels (10 ml) vanieljegeursel • 2 blikkies (400 ml elk) klapperroom
SÓ MAAK JY Maak die klapperkrummels
Verhit die oond tot 170 ºc. Sif die koekmeel, versiersuiker en kaneel saam en roer die klapper by. Vryf die botter met jou vingerpunte by die mengsel in tot dit soos growwe broodkrummels lyk. Sprei die mengsel uit op ’n bakplaat wat met bakpapier uitgevoer is. Bak dit vir 12-15 minute tot dit mooi ligbruin is.
Maak die klappervla
Klits al die bestanddele in ’n swaarboomkastrol saam en roer dit dan aanhoudend oor matige hitte tot dit gaar en mooi dik is.
Maak die malvapoeding
Verhit die oond tot 180 ºc. Sif die koekmeel, bakpoeier, koeksoda, bruinsuiker en ’n knippie sout saam in ’n mengbak. Voeg die eiers, konfyt en gesmelte botter by. Klits die melk en asyn goed saam, voeg dit ook by die mengbak en meng alles dan goed deur. Giet die beslag in ’n gesmeerde oondbak van 30 x 40 cm en bak dit vir 25-30 minute tot goudbruin en gaar.
Maak die sous
Verhit al die bestanddele vir die sous saam in ’n kastrol terwyl die poeding bak. Roer die mengsel tot die suiker opgelos het en gooi die vuurwarm sous oor die malvapoeding sodra dit uit die oond kom.laat die poeding effens afkoel en sit dit nog warm voor met die klapperkrummels en vla. (En pak maar jou ouma se malvapoedingresep díép weg. – Reds.)
Hoendermis, dís waarmee hy boer daar anderkant die blou berge. By die hoofpad se uitdraai na sy plaashek het hy die woorde “Mis te koop” op ’n sinkplaat geverf en dit teen die vol sakke mis staangemaak. Langsaan, op ’n staaltrommel wat aan ’n stewige houtstellasie vasgemaak is, het hy bo ’n gleuf geskryf: “Geld/ Money”. En laer af: “Honesty box”.
Die misboer het vertroue in sy miskopers. Daarom laat hy dit aan hulle oor om die waarde te bepaal van die mis wat hulle neem – soos ’n dominee sy gemeente vertrou as die kollektebordjie omgestuur word. Hy weet egter nie almal in die wêreld is miskopers nie, en daarom maak hy sy trommel met ’n slot en ketting aan die stellasie vas.
Uit die trommel het hy al batterye, piesangskille, kondome en lekkergoedpapiere gehaal. En traktaatjies met raad vir enigiets onder die son. Meestal was daar darem geld van mense wat bereid is om hulle sak te skud ter wille van die welstand van die aarde. Die dorpstuine hang nie verniet swaar en geil soos die grond met sy mis verryk word nie. Soms is die offer te groot om deur die gleuf te gaan en los ’n dankbare tuinier vir hom groente en vrugte boop die trommel. Verlede week het ’n geel potlood by die gleuf uitgesteek waarvan die uitveërtjie uit die metaaldoppie geval het. Daar was koumerke aan die potlood en op ’n klein afgekerfde stukkie kon hy letters uitmaak. Dit het vir die misboer soos ’n M en ’n W gelyk.
DIE BOER GAAN NET vir noodsaak dorp toe en keer dan weer so vinnig as wat hy kan terug na sy eie mishoop. Sy lewe draai hoofsaaklik om sy hoenders en hulle mis en eiers.
Die saailande rondom die opstal lê partymaal vir jare braak. Maar soms sal hy ’n drieskaarploeg agter die trekker haak sodat hy net weer kan voel hoe dit voel om die aarde te kraak. Dan volg voëls hom in ’n baldadige optog agter wurms en sade aan.
Toe die eerste mense op die maan geland het, het die misboer se pa ’n klimraam tussen die adamsvye
“Die Boeing vlieg laag vanaand,” het sy pa dan gesê en die laaste deel van Pjotr Tsjaikofski se 1812 Ouverture op die platespeler harder gedraai. Sy pa het altyd geglo hierdie toring van hom kan tot by die maan gesien word.
Af en toe woon die misboer darem die Damskrapersvereniging se vergaderings op buurplase by, alles in die vae hoop om iemand raak te loop vir wie hy niks hoef te verduidelik nie. ’n Haan onder die henne was hy nog nooit nie. Dit is teenoor die hoenderhaan wat hy uitpraat en sy hart oopmaak oor sy jeugvriend en vertroueling van jare gelede wat ná skool spoorloos verdwyn het.
Met sy daaglikse inklok by die stellasie langs die pad om vars mis uit te sit het hy gesien iemand het met rooi verf “Honesty box” op die sinkplaat vertaal na “Doos van waarheid”. En skuins bo “Mis” geskryf: “Missed world.” Dié het hulle probeer uitvee.
Snags as die hoenders slaap, praat die misboer met die man in die maan asof dit sy verlore vriend is: “Haan met jou
Die maangimnas is later alleen op die bok afgeneem. Of wat daardie ding ook al genoem word. Die Kalf? Buffel? Die een met die staalgrepe in die middel van sy rug. Hoe op aarde kom ’n mens óp die ding; wat nog te sê van rondswaai en toertjies doen? Die misboer het nie daardie foto in sy hand nie; dis in sy kop. Wydsbeen het sy gimnas konsert gehou; met soepel bewegings en die grasie van ’n gebore atleet. Niemand kon hom dit nadoen nie. Hulle ander moes eenkant staan. ’n Groep meisies het verbygestap en hy het gefluit net toe die kamera se lens oopsluit. Die misboer wou hulle koppe onder hulle kieliebakke gaan indruk sodat hulle niks kan sien nie.
“Onthou jy hoe ou Skarnier elke Maandag vir ons gepreek het oor die gevare van seks? Ag, hy het mos die noodlot in min of meer alles voorspel. Dan vertel hy vir ons in detail van die onding wat tans onder jonggetroudes van die distrik posvat: Hulle gooi motorsleutels in ’n sak en met die een