Eet, drink, wees plesierig
Doen, drentel en koop
Moenie ’n mall verwag op Tesselaarsdal nie – hier is drentel maar die hoofaktiwiteit. Koop ’n koeldrank of noodvoorraad by een van die twee handelaars op die dorp: die
of net ’n hanetree verder.
Maak gerus ook ’n draai by die dorpie se indrukwekkende biblioteek. Draai uit die hoofstraat regs in Kerkstraat en neem die tweede straat regs. Net ná die skool aan die regterkant lê die biblioteek links.
Jy kan ook in jou motor klim en die grondpaaie rondom die dorp verken...
J&S Store Lekkerdroom
Lucas Robertson, onder die locals beter bekend as Lucas Voël, het selfsorgplaasverblyf. Hy het ook ’n verstommende klompie diere hier – van sebras en kamele tot volstruise en aasvoëls. Van die pad af sien jy die karkasse in die veld waaraan die aasvoëls smul. lekkerdroom@gmail.com
072 614 4403
Heilfontein Amadina Food,
Op dié werkende fynbosplaas kweek Lindsay Madden onder meer proteas vir die uitvoermark, maar hulle het ook verskillende soorte verblyf vir besoekers. (Lindsay was die borg vir Annalize Mouton se boek A Bend in the Road.) heilfontein.co.za
082 650 9697
Bakgat Pottery
Marianne en Ron van Heerden het in 1998 uit Greyton hierheen getrek. Op hulle plasie verwerk hulle hulle eie klei waarmee hulle gebruiksitems maak wat in ’n vuuroond tot swaar erdewerk gebak word. Hulle maak ook souse van bestanddele wat dikwels uit hulle eie tuin kom.
bakgat@ruens.co.za bakgatpottery. co.za 028 212 1220 of 072 301 6844
Herbs-aplenty
Op die plaas Goedgegewe bedryf Pietersarel de Bruyn en sy ma, Elmarie, ’n indrukwekkende besigheid met fynbos en kruie. Hulle hoofbesigheid is die kweek en uitvoer van kruie – in gedroogde vorm óf olies óf ekstrakte – maar maak ook hulle eie skoonheidsreeks, Elli. Én dan maak hulle vir ’n paar kliënte puik jenewers. info@herbs-aplenty.com Herbs-aplenty herbs-aplenty.com
De Postkantoor Café
Ongelukkig was die enigste eetplek op die dorp met ons besoek weens Covid-19 gesluit, maar ons kan ons voorstel hoe lekker ’n mens op hierdie stoep kan sit en oor die dorp uitkyk terwyl jy ’n stewige ontbyt of burger geniet. (Die badkamer van die fraai gebou aan die hoofstraat – heel regs op die foto links bo – was inderdaad voorheen die dorp se poskantoor.) Hulle is daagliks oop van 09:00 tot 17:00, en Vrydae bly die kombuis oop tot 20:00. Besprekings, veral vir Sondae, is noodsaaklik. De Postkantoor Tesselaarsdal posmeester1@ gmail.com 084 583 7095
Blyplekke
Op die webwerf lekkeslaap.co.za is ’n hele paar blyplekke teen so min as R500 p.p.p.n. Ons het bespreek om in die kliphuisie op Liefland te bly, maar weens omstandighede het die eienaar, Johan Hayward, ons verskuif na Die Hoenderhok, wat aan sy goeie vriend Dewan Henn behoort. Hier het ons baie gerieflik gebly in ’n volledig toegeruste eenheid (met báie braai- en kaggelhout!) wat oor ’n dam uitkyk. Die paddakoor saans is gewoon verbluffend! Om vir Liefland óf die Hoenderhok te bespreek bel vir Johan by 083 501 0540 of 065 694 9637 bookings@lieflandweddingvenue.co.za lieflandweddingvenue.co.za