Vind meer uit
Die SA Plastics Pact
saplasticspact.org.za info@saplasticspact.org.za
Suid-afrikaanse Plastiekherwinningsorganisasie (SAPRO)
SAPRO verteenwoordig die land se plastiekherwinners en -herverwerkers wat bale gesorteerde plastiek aan die einde van hulle leeftyd aankoop en tot rou materiaal herverwerk waarmee nuwe plastiekprodukte vervaardig kan word. Klik op “Consumers” boaan die tuisblad en dan op “Where to recycle” vir ’n lys van plastiekherwinners reg oor die land wat ook lede van SAPRO is. plasticrecyclingsa.co.za
lisa@plasticrecyclingsa.co.za (Lisa Parkes)
My Waste
Wonder jy wat ’n mens doen met daardie stokou klanktoerusting, blikke ou verf en poegaai motorbatterye in die garage? My Waste is ’n wonderlike databasis met hope inligting oor maatskappye en plekke reg oor die land waar jy ’n aktiewe bydrae tot herwinning en volhoubaarheid kan lewer. mywaste.co
Wasteplan
Hierdie private maatskappy lewer herwinnings- en afvalbestuursdienste aan gesondheidsorgverskaffers, die voedsel-endranksektor, universiteite, winkelsentrums, kantoorblokke, verspreidingsentrums, gasvryheidspersele en fabrieke. Wasteplan bestuur ook die afvalsorteersentrum wat
Platteland as gaste van die WWF besoek het. Maak ’n draai op die webwerf vir verskeie hulpbronne en talle inspirerende stories.
wasteplan.co.za
Ellen Macarthur-stigting
Suid-afrika het hom aangesluit by ’n groeiende aantal lande – Chili, Frankryk, Nederland en Brittanje – wat deel vorm van die Ellen Macarthur-stigting se internasionale Plastics Pact-netwerk. Op dié platform deel lede nuwe kennis en beste praktyke met die ondertekenaars van plastiekooreenkomste in ander lande en só word die oorgang na ’n sirkulêre plastiekekonomie versnel. Laai die gratis gids “Reuse: Rethinking Packaging” af by ellenmacarthurfoundation.org (klik op “Resources” en dan op “Publications”).