Daggaheuning

Gebruik dié heuning in kos of versoet jou tee daarmee. Dit is ’n wonderlike immuunversterker met anti-inflammatoriese en antibakteriese eienskappe – net wat jy nodig het om verkoues, griep en ’n toe bors te verlig.

200 ml

Maak Bereidingstyd Trektyd

5 minute 6-8 uur JY BENODIG

• 10 g droë daggablomme • 200 ml plaaslike rou heuning

TOERUSTING

• kaasdoek of broekiekouse • kombuistou

• glasfles met ’n deksel • groot kastrol of prutpot

SÓ MAAK JY

Pak die daggablomme in die middel van ’n vierkantige stuk kaasdoek (of broekiekouse). Bring die hoeke bymekaar om ’n klein sakkie te vorm en knoop dit baie styf vas met kombuistou. Plaas die daggasakkie in die fles, gooi die heuning oor en draai die deksel styf toe.

Plaas die dagga-en-heuningfles óf in ’n groot kastrol wat twee derdes met water gevul is óf in ’n prutpot wat sowat ’n derde vol water is. Onthou, heuning het self wonderlike medisinale eienskappe en daarom wil jy dit nie oorverhit nie. Hou dus by ’n matige temperatuur.

Verhit die fles vir 6-8 uur oor lae hitte. Maak elke twee uur of wat seker dit bou nie druk aan die binnekant op nie. Indien wel, moet jy die deksel vinnig oopdraai en dadelik weer toe. Dra handskoene – die fles sal vuurwarm wees!

Na sowat 6-8 uur kan jy die fles uit die kastrol of prutpot verwyder. Wanneer die heuning koel genoeg is sodat jy daaraan kan raak, kan jy die kaasdoeksakkie versigtig uitlig. Druk soveel as moontlik van die heuning uit die sakkie. Draai die deksel weer styf toe en bêre dit in die yskas of op ’n koel, donker plek. Indien jy die heuning korrek bêre, sal dit vir baie jare potent bly.