Harissa-en-lensieshakshuka met sesamskuimbotter
Hoewel dié shakshuka – ’n tradisionele gereg uit Noord-afrika – vegetaries is, het dit ’n sekere vleiserige kwaliteit wat baie behaaglik is. Dit bewys maar net hoe veelsydig basiese bestanddele uit die spens kan wees. Soos met die meeste resepte in dié boek kan jy dit eenvoudig hou óf die sesambotter byvoeg. Kies laasgenoemde.
Genoeg vir 4
Bereidingstyd omtrent 20 minute Gaarmaaktyd omtrent 55 minute
JY BENODIG
• 2 eetlepels (30 ml) olyfolie
• 1 rooiui, fyngekap
• 1 knoffelhuisie, fyngedruk
• 8 teelepels (40 ml) harissasmeer • 1 teelepel (5 ml) fyn borrie
• 1 blik (400 g) gekapte tamatie
• ½ koppie (125 ml) tamatiepassata • 100 ml water
• 1 teelepel (5 ml) suiker
• 1 blik (400 g) lensies, afgespoel
en gedreineer
• 1 koppie (250 ml) Griekse jogurt • ½ teelepel (2,5 ml) sumak
• 4 vryloop-eiers
• vars dille vir garnering
• Turkse platbrode of geroosterde rogbrood om voor te sit
VIR DIE SESAMSKUIMBOTTER
• 1 eetlepel (15 ml) wit sesamsaad
• 1 teelepel (5 ml) komynsaad
• 2 eetlepels (30 ml) gesoute botter
• ¼ teelepel (1,25 ml) gerookte paprika • ’n knypie seesoutvlokkies
SÓ MAAK JY
Verhit die olie in ’n groot kastrol en soteer die ui tot sag. Voeg die knoffel by en braai dit vir 1 minuut. Gooi nou die harissa en borrie by en braai alles vir nog 2 minute.
Roer die gekapte tamatie, passata, water en suiker by. Verhit die sous tot kookpunt, sit die deksel op en prut dit vir 20-25 minute of tot die sous begin verdik. Roer die gedreineerde lensies by en verhit die mengsel tot deurwarm.
Meng die jogurt en sumak in ’n bakkie en laat dit eenkant staan teen kamertemperatuur tot jy reg is vir opskep.
Maak die sesambotter deur die sesamen komynsaad vir 3 minute in ’n droë pan te rooster tot geurig. Voeg die botter, paprika en sout by en verhit alles tot die botter warm is en begin skuim.
Maak vier holtes in die lensiemengsel en breek versigtig ’n eier in elke holte. Sit die deksel op (of gebruik foelie) en kook die mengsel oor lae hitte tot die eierwit gaar is (7-8 minute).
Skep die sumakjogurt oor die shakshuka en drup van die warm sesambotter oor. Rond dit af met ’n hand vol dille en sit dit dadelik voor. >