SUZETTE EN LEON WESTHOF Pretoria
Suzette: Selfs ek wat glo ek kan nie met ’n snorkel asem kry nie, het hierdie fobie gou afgeskud en in die heerlike warm water die prag van die onderwaterwêreld vir ’n lekker lang tydjie geniet.
Die vaart op die mere, en veral die paar kilometer langs die kanaal wat die mere verbind, het ons die geleentheid gegee om die voëllewe te besigtig en ook om sommer net rustig te wees en in jou eie gedagtewêreld te verdwaal.
Die stap in die raffiapalmwoud was uitputtend omdat dit so warm was, maar ons is beloon met die aanskoue van die witaasvoëls wat daar hou, asook die pragtige paar dwerggansies op die water.