WEET VOOR JY WAAI
Blyplek Die kamp by Sendelingsdrift het tien selfsorgchalets met lugversorging en hier is ook kampplek. Tatasberg en Gannakouriep het elkeen drie selfsorghuisies. Dit is redelik basies, maar het warm water, ’n gasstofie en ’n gasyskas. Potjiespram, De Hoop en Richtersberg is die drie kampplekke teen die Oranjerivier.
Hier is ablusies met koue water. Kokerboomkloof se kampplek het badkamers, maar geen water (bring dus jou eie).
Alle staanplekke kos
R275 p.n., maksimum van ses mense en twee voertuie. Alle formele verblyf kos R1 030 p.n. vir twee mense.
Brandstof en winkels Hier is ’n vulstasie by Sendelingsdrift met petrol en 50 ppm-diesel. Die winkeltjie hou net die basiese produkte aan, bring eerder alles saam van jou tuisdorp af.
Het ek ’n 4x4 nodig? Ja.
Onthou jou water! Hoewel Tatasberg en Gannakouriep water het, is dit nie drinkbaar nie. Die rivierkampe gebruik water uit die rivier. Sommige mense kan dit drink, maar bring eerder jou eie drinkwater saam. Kokerboomkloof het geen water nie.