KAMDEBOO- NASIONALE PARK
Die bekende rotsformasies van die Vallei van Verlatenheid, oop vlaktes, vars Karoolug... Lekker! Soek na steenbok, blesbok en swartwildebees op die vlaktes en watervoëls rondom Nqwebadam.
DOEN DÍT Stap die maklike Crag Lizard-roete (1,5 km) in die westelike deel van die park. Dit begin by die parkeerterrein by die Vallei van Verlatenheid en neem jou na uitkykpunte van waar jy die kranse en hoë dolerietpilare kan bekyk.
Bewaringstarief R50 p.p.; R25 per kind 2-11 jaar; gratis met ’n Wild Card.
VERBLYF Lakeview-tentekamp: Gemeenskaplike geriewe. Vanaf R785 p.n. vir 2 mense.
Nqweba-kampterrein: Elke staanplek het ’n braai, kragpunt en gemeenskaplike geriewe. Vanaf R285 p.n. vir 2 mense; plus R100 p.p. ekstra; R50 per ekstra kind 2-11 jaar (6 mense per staanplek).
Waar? Sowat 5 km noord van Graaff-Reinet.
Kontak 049 892 3453
Bespreek só by Sanparke
Bespreek verblyf by die Addo-olifant-, Bergkwagga- en Kamdeboonasionale parke deur Sanparke se sentrale besprekingskantoor:
012 428 9111; sanparks.org/bookings; sanparks.org