ONS KENNER

“Hier’s net een pad in die Baviaanskloof – van Willowmore af deur tot op Patensie. Ry dit van die eerste kilometer af aandagtig: Betrag die roesrooi kranse; knik vir die bobbejane; proe ’n spekboomblaartjie...

“Die oostelike punt van die kloof is ’n bewaringsgebied en die res is plase, waarvan die meeste gawe gasteverblyf bied. Gaan slaap vir ’n unieke ervaring in een van die Makkedaat-grotte

( 082 215 5175; makkedaat. co.za), of bespreek die spoggerige Studtis Huis op die plaas Kamerkloof

( 083 602 1253; kamerkloof.co.za) as julle ’n groep vriende is.

“Op elke plaas is ’n kloof of twee wat diep die Baviaansberge inkeep, vol besemtrosvybome en varings. Hier’s dit altyd klam, altyd groen – verrassend in dié dorre Karoo. Gaan stap deur so veel klowe as wat jy kan.”