DWESA-CWEBE-NATUURRESERVAAT
Dwesa en Cwebe is reg langs mekaar, aan weerskante van die Mbasherivier, in die sentrale deel van die Wildekus. Meer as 290 voëlspesies is al in die woude en grasvelde opgeteken en wild soos eland en buffel wei hier.
DOEN DÍT Bespreek ’n begeleide stap in Dwesa, veral as jy die woud wil verken (R38 p.p.; R20 per kind). In Cwebe bied The Haven Hotel aktiwiteite soos visvang, begeleide staproetes, perdry, kanoroei en bergfietsry aan.
Bewaringstarief R13 p.p.; R8 per kind.
VERBLYF Dwesa: Kamp vanaf R281 p.n. vir tot 6 mense; geen krag; gemeenskaplike ablusiegeriewe. Selfsorgchalets in ’n kuswoud: Vanaf R390 p.n. vir 2 mense.
Cwebe: The Haven Hotel is die enigste verblyfopsie. Kothuise met ’n see-uitsig vanaf R975 p.p., tuinkothuise vanaf R925 p.p., en basiese kothuise vanaf R875 p.p. Die prys sluit ontbyt en aandete in (geen selfsorggeriewe). Halfprys vir kinders 4-12 jaar; gratis vir kinders jonger as 4.
Waar? Sowat 57 km oos van Willowvale.
Kontak Oos-Kaapse park- en-toerisme-agentskap 043 492 0881; bookonline.ecpta.co.za; The Haven Hotel 083 996 5343; havenhotel.co.za
DWESA-CWEBE-NATUURRESERVAAT