ANDER PROVINSIALE RESERVATE
Groendal-natuurreservaat, sowat 55 km noordwes van Gqeberha.
Dis deel van die Baviaanskloof-wêrelderfenisgebied met diep klowe, helder strome, rotspoele en rotskuns. Kampplekke en lodgeverblyf. Bewaringstarief: R66 p.p.; R34 per kind. 087 086 2499 Tsolwana-natuurreservaat, sowat 60 km suidwes van Komani (Queenstown). Jy sien wild soos koedoe, bontebok en bergkwagga teen die noordelike deel van die Winterberg. Begeleide wildritte en staproetes op wildpaadjies en (rowwe) gruispaaie. Drie selfsorglodges. Bewaringstarief: R26 p.p.; R13 per kind. 087 285 7400 Kommandodrif-natuurreservaat, sowat 45 km noordoos van
Cradock. Gewilde visvangplek – maak lyn nat vir karp en baber in die Kommandodrifdam. Chalets, hutte en kampplek.
Bewaringstarief: R13 p.p.; R8 per kind. 087 286 6404 Oviston-natuurreservaat, sowat 18 km noord van Venterstad. Dis op die suidelike oewer van die Gariepdam en jy kan ontspan, visvang (haak ’n geelvis – ’n permit kos R12 p.p.) en met jou boot op die water vaar. Kampplekke, lodgekamers en ’n kliphuisie beskikbaar.
Bewaringstarief: R12 p.p.; R8 per kind. 087 285 7390