ONS KENNER

“Die Kgalagadi is gewild en bied min verblyfopsies – bespreek lank vooruit om seker te maak jy kry plek. Probeer heel eerste ’n paar nagte by die Nossobruskamp vasmaak, want dis sentraal en jy kan die res van jou reis daarom beplan.

“Jy gaan leeus, jagluiperds en soms luiperds teëkom, maar wees ook op die uitkyk vir kleiner roofdiere soos vaalboskatte, ratels en rooikatte. Dis ook die beste plek in Suid-Afrika om roofvoëls soos die berghaan, breëkoparend en swartborsslangarend te sien.

“Dis ’n uitsonderlike ervaring om te kyk hoe swerms kelkiewyne by watergate soos Cubitje Quap kom drink terwyl edelvalke op hulle jag maak.”