TANKWA-KAROO- NASIONALE PARK
Geen winkels of vulstasies, geen selfoonopvangs én geen teerpaaie – hierdie park op die grens tussen die Noord-Kaap en Wes-Kaap is in een van die mees afgeleë dele in Suid-Afrika. Sebra, gemsbok, springbok en eland wei hier en jy kan ook voëls eie aan die Karoo hier sien, soos die groenbossanger en karoolangbeklewerik.
DOEN DÍT As jou voertuig ’n hoë grondvryhoogte het, ry tot by die Elandsberg-uitkykpunt om die sonsondergang te kyk of takel die Gannagapas teen die Roggeveldberg uit – dis 7,9 km lank met 45 draaie.
Bewaringstarief R50 p.p.; R25 per kind 2-11 jaar; gratis met ’n Wild Card.
VERBLYF Boskamp met geen geriewe R155 p.n. vir 2 mense, plus R75 p.p. ekstra en R35 per ekstra kind 2-11 jaar (slaapplek vir 15 mense). Kampterrein met ’n privaatkombuis en badkamer (geen krag) vanaf R395 p.n. vir 2 mense, plus R170 p.p. ekstra en R85 per ekstra kind 2-11 jaar (maks. 6 mense per staanplek).
Selfsorgkothuise (slaapplek vir 2-9 mense) vanaf R825 p.n. vir 2 mense, plus R290 p.p. ekstra en R145 per ekstra kind 2-11 jaar.
Waar? Sowat 105 km suidoos van Calvinia. (Laai ’n kaart af by
Kontak 021 741 7136
Bespreek só by Sanparke
sanparks.org.)
Bespreek jou verblyf by die Kgalagadi- en |Ai-|Ais/Richtersveld-oorgrensparke (aan die Suid-Afrikaanse kant) en die Mokala-, Namakwa-, Augrabies-waterval- en Tankwa-Karoo- nasionale park deur Sanparke se sentrale besprekingskantoor te kontak: 012 428 9111; sanparks.org/ bookings; sanparks.org