MOOLMANSHOEK-PRIVAATWILDRESERVAAT
Stof jou Stetson af en trek aan daai perdrystewels – hier kan jy die grasvelde en bergstrome van die Witteberg op ’n perd se rug verken.
DOEN DÍT Hier is staproetes, wildritte, 4x4-roetes en verskillende perdryuitstappies vir van beginners tot ervare ruiters. Gaste wat hier oornag, kan ook op ’n perdekar wildkyk – R200 p.p. per uur (minimum 4 mense). Doendinge vir dagbesoekers Die reservaat laat nie dagbesoekers toe nie, maar jy kan wel gaan perdry as jy voor die tyd reëlings tref. Perdry R250 p.p. per uur.
VERBLYF Verskeie soorte kamers in ’n mooi sandsteengebou. Kamers met ’n berguitsig R1 045 p.p. wat deel; Klassieke kamers R1 170 p.p. wat deel; Luukse kamers R1 290 p.p. wat deel.
Waar? Sowat 35 km noordoos van Ficksburg.
Kontak 051 933 2220; moolmanshoek.co.za