NDUMO-WILDRESERVAAT
Ndumo se voortbestaan word bedreig deur wildstropery en bestaansboere wat hulle in die oostelike deel van die reservaat gevestig het, maar hierdie unieke hoekie van Suid-Afrika voel soos iewers in Zambië en bied topvoëlkykgeleenthede. Jy kan ook die nabygeleë Tembe-olifantpark vir die dag besoek as jy hier bly.
DOEN DÍT Gaan op ten minste twee begeleide voëlkykuitstappies (R180 p.p.) – een na die koorsboomwoud langs die Inyamithi-pan en een na die sandwoud, waar jy dalk die skaars breëbek kan sien. Bewaringstarief R55 p.p.; R25 per kind; gratis met ’n Wild Card.
VERBLYF Kamp (met krag) R150 p.p. Chalets vanaf R1 000 p.n. vir 2 mense. Waar? Sowat 103 km noord van Mkhuze.
Kontak en besprekings 060 878 5014
Bespreek só by Ezemvelo KZN Wildlife
Hierdie tariewe is geldig tot 31 Oktober 2022. Bespreek jou verblyf by die Spioenkop-, Oribi Gorge-, Weenen-, Midmar-, Vernon Crookes-, Ithala- en Ndumo-reservaat deur Ezemvelo KZN Wildlife se sentrale besprekingskantoor te kontak. 033 845 1000; bookings. kznwildlife.com; kznwildlife.com