ZIMANGA-PRIVAATWILDRESERVAAT
Wanneer fotograwe snags hulle oë toemaak, droom hulle van reservate soos hierdie een. Zimanga fokus op wildlewefotografie en het nege fotoskuilings waar jy jou kamera op enigiets van klein voëltjies tot groot katte kan rig.
Verskillende pakkette is beskikbaar. As jy die opsie vir drie nagte kies, slaap jy byvoorbeeld in die Zimanga Lodge, gaan op drie wildritte en kry drie sessies in die skuilings – een by die voëlbadskuiling, een by die strandmeerskuiling en een by die aasvoëlskuiling.
Dis reeds volbespreek vir hierdie jaar, maar jy kan ’n e-pos stuur om op ’n waglys geplaas te word en om uit te vind oor spesiale aanbiedinge vir SuidAfrikaners. Prys op aanvraag.
Waar? Sowat 8 km noord van Mkhuze.
Kontak reservations@zimanga.com; zimanga.com