AUSTIN ROBERTS BIRD SANCTUARY
Hierdie reservaat is genoem na een van Suid-Afrika se voorste voëlkundiges (jy het heel moontlik sy voëlgids op jou boekrak) en is in die Walkerspruit geleë. Die vleilande en damme is die tuiste van vele voëlspesies soos die witborsduiker, bloukraanvoël, bontkiewiet en witpenssuikerbekkie.
DOEN DÍT Bring jou verkyker en ontspan in die voëlskuiling.
Die res van die reservaat kan jy slegs op ’n begeleide stapuitstappie sien (R55 p.p.; tot 12 mense per groep). Bespreek vooraf. Jy kan ook iets gaan eet by die Blue Crane-restaurant ( 012 460 7615;
bluecranerestaurant.co.za) langsaan.
Bewaringstarief Toegang tot die skuiling is gratis.
Waar? Parkeer by die Blue Crane: Melkstraat 156, Nieuw Muckleneuk, Pretoria.
Kontak 012 358 1757