MARIEVALE BIRD SANCTUARY

Voëlkykers, voëlkundiges en wildlewefotograwe is almal dol op hierdie vleilandreservaat. Dis deel van die Blesbokspruit-Ramsar-gebied en is sowat 30 km noordoos van die Suikerbosrand-natuurreservaat.

Byna 290 voëlspesies is al hier opgeteken. Jy kan ook groototters en muishonde sien.

DOEN DÍT Jy kan in die reservaat stap, maar die fokus is op voëlkyk. Hier is verskeie voëlskuilings en ’n piekniekterrein. Bring jou verkyker en kamera en soek vir spesies soos die Afrikaanse vleivalk, reusereier en lepelaar.

Bewaringstarief R30 p.p.; R20 per voertuig.

Verblyf Basiese chalets vanaf R190 p.p.p.n. vir 2 mense – bespreek by die Suikerbosrand-natuurreservaat.

Waar? Sowat 7 km noordoos van Nigel.

Kontak 011 439 6300 (Suikerbosrand)