BOTSALANO-WILDRESERVAAT

Geniet die Kalahari-doringveld, doringboomwoude en grasveld naby die grens met Botswana. Botsalano teel boksoorte en witrenosters vir ander reservate en wild is volop.

DOEN DÍT Die reservaat bied nie enige aktiwiteite nie, maar het ’n uitgebreide padnetwerk waarop jy kan ry om wild te soek. Pak ’n koffiefles en padkos en deurkruis die reservaat.

Bewaringstarief R40 p.p.; R25 per kind 2-12 jaar; R10 per voertuig.

VERBLYF Kamp sonder krag en basiese ablusiegeriewe. R100 p.n. vir tot 4 mense; R20 p.p. ekstra (6 mense per staanplek). Die boskampe – Safari, Lerako, Legora en Sentry Hill – het nie krag of warm water nie. Buitelugstort en -toilet. R250 p.n. vir tot 8 mense; R20 p.p. ekstra (slaapplek vir 12 mense). Mogobetentekamp: Selfsorg, met sonkrag en gasgeisers. En suite-tente R400 p.n. vir 2 mense; R50 per kind 2-12 jaar.

Waar? Sowat 50 km noord van Mahikeng.

Kontak 018 386 8900; northwestparks.org.za