MAPUNGUBWE- NASIONALE PARK
Suid-Afrika, Botswana en Zimbabwe kom in hierdie park tussen sandsteenkoppies en kremetarte bymekaar. Mapungubwe bestaan uit ’n oostelike en ’n westelike deel wat deur privaatplase van mekaar geskei word. Die samevloeiing van die Shashe- en Limpoporivier is in die oostelike deel. Die park is deel van die Groter-Mapungubweoorgrensbewarea en is ’n Unesco-wêrelderfenisterrein.
DOEN DÍT Suider-Afrika se eerste koninkryk was sowat 1 000 jaar gelede hier geleë. Verskeie artefakte is al op die Mapungubwe-heuwel gekry, insluitend die bekende goue renoster – dis al beskryf as Suider-Afrika se ekwivalent van die Egiptiese farao Toetankamen se masker. Doen die twee uur lange Erfenistoer van die heuwel – R285 p.p.; R270 per kind 2-11 jaar. Bewaringstarief R60 p.p.; R30 per kind 2-11 jaar; gratis met ’n Wild Card.
VERBLYF Oostelike deel – Leokwe-ruskamp: Kothuise (slaapplek vir 2-4 mense) vanaf R1 425 p.n. vir 2 mense; R434 p.p. ekstra; R217 per kind 2-11 jaar. Die kamp het ’n swembad. Vhembe-wilderniskamp: Houthuise vanaf R8 65 p.n. vir 2 mense. Die kamp is nie omhein nie en is nie gepas vir gesinne met jong kinders nie.
Westelike deel – Limpopo-bostentekamp: Bostente vanaf R1 415 p.n. vir 2 mense. Mazhou-kampterrein: Kamp (met krag) R320 p.n. vir 2 mense; R100 p.p. ekstra; R50 per kind 2-11 jaar (6 mense per staanplek).
Tshugulu Lodge: Kothuis vanaf R1 600 p.n. vir 4 mense. Gastehuis R4 640 p.n. vir 8 mense. Swembad, braaigeriewe en ’n eksklusiewe 4x4-roete.
Waar? Sowat 75 km wes van Musina.
Kontak 015 534 7923
BESPREEK SÓ BY SANPARKE
Hierdie tariewe is geldig tot 31 Oktober 2022. Bespreek jou verblyf by die Marakele- of Mapungubwe- nasionale park deur Sanparke se sentrale besprekingskantoor te kontak: 012 428 9111;
sanparks.org/bookings; sanparks.org
KRUGERWILDTUIN – blaai na bl. 64.