BLOUBERG-NATUURRESERVAAT
Blouberg is ’n inselberg wes van die Soutpansberg en is ongeveer 30 km lank. Die reservaat, op die noordoostelike punt, is bekend vir sy boomdiversiteit – kremetart, wildevy, witsering, tambotie, knoppiesdoring, bergmahonie, huilboerboon, apiesdoring...
DOEN DÍT Hier is ’n ondergrondse fotoskuiling by Buffelspan waar jy foto’s van buffels, koedoes, kameelperde, sebras en voëlspesies soos kuifkoptarentaal, driebanddrawwertjie, swarthelmlaksman en tropiese waterfiskaal kan neem.
Die reservaat het ook ’n kransaasvoëlkolonie van 1 230 broeipare – jy kan hulle van naby sien by die aasvoëlrestaurant (noord van die berg) of teen die kranse waar hulle broei (suid van die berg).
Bewaringstarief R50 p.p. per dag; R25 per kind jonger as 12.
VERBLYF Molope-boskamp: Kamp (geen krag) R270 p.n. vir die eerste 2 mense, plus R90 p.p. ekstra (6 mense per staanplek).
Modumele-wilderniskamp: Dit word eksklusief vir een groep bespreek – maksimum 12 mense. Bring jou eie drink- en waswater. Kamp (geen krag) R340 p.n. vir die eerste 2 mense, plus R160 p.p. ekstra; halfprys vir kinders jonger as 12.
Tamboti-boskamp: Basiese selfsorgkamp met sonkrag; dit word ook eksklusief deur een groep bespreek – maksimum 8 mense. Safaritente
R850 p.n. vir 4 mense, plus R160 p.p. ekstra; R80 per kind jonger as 12.
Mashatu-kamp: Selfsorgchalets met krag – 2 volwassenes en 2 kinders per eenheid. R500 p.n. vir die eerste persoon, plus R450 p.p. ekstra. Afslag vir kinders jonger as 12.
Waar? Sowat 19 km wes van Vivo.
Kontak 072 584 7475; bloubergreserve.co.za