KRUGERWILDTUIN

Geen ander wildernisgebied in Afrika is so toeganklik soos die Kruger nie. Die paaie is in ’n goeie toestand en jy kan kamp, in ’n basiese eenheid bly of die park buite seisoen besoek sonder om ’n plaas se geld uit te gee. Hier is óral diere en die park is lekker wild.

DOEN DÍT Jy kan by die meeste van die kampe in die oggend saam met ’n gids in die veld gaan stap. R630 p.p.

Bewaringstarief R110 p.p.; R55 per kind 2-11 jaar; gratis met ’n Wild Card.

VERBLYF Die blyplekke en pryse verskil van kamp tot kamp, maar hierdie tariewe is die laagste wat jy tydens vanjaar se spitsseisoen in die park kan kry.

Die hoofruskampe is Berg-en-Dal, Krokodilbrug, Letaba, Onder-Sabie, Mopani, Olifants, Orpen, Pretoriuskop, Punda Maria, Satara, Shingwedzi en Skukuza. Kamp (met krag) vanaf R340 p.n. vir 2 mense; R100 p.p. ekstra; R50 per kind 2-11 jaar (6 mense per staanplek). Hutte vanaf R520 p.n. vir 2 mense. Safaritente vanaf R775 p.n. vir 2 mense. Bungalows vanaf R1 235 p.n. vir 2 mense. Kothuise vanaf R1 755 p.n. vir 2 mense. Gesinschalets vanaf R2 875 p.n. vir 4 mense. Gastehuise vanaf R6 210 p.n. vir 6 mense.

Die satellietkampe is Balule, Malelane, Maroela en Tamboti. Kamp (met krag) vanaf R410 p.n. vir 2 mense; R100 p.p. ekstra; R50 per kind 2-11 jaar (6 mense per staanplek). Hutte vanaf R620 p.n. vir 2 mense. Bungalows vanaf R1 480 p.n. vir 2 mense. Safaritente vanaf R775 p.n. vir 2 mense.

Die bosveldkampe is Bateleur, Biyamiti, Shimuwini, Sirheni en Talamati. Kothuise vanaf R1 675 p.n. vir 2 mense.

Tsendze-kampterrein: Kamp (geen krag) vanaf R390 p.n. vir 2 mense; R100 p.p. ekstra; R50 per kind 2-11 jaar (6 mense per staanplek).

Hier is ook oornagskuilings, boslodges en luukse lodges beskikbaar – gaan na Sanparke se webwerf vir meer inligting.

Waar? Die park strek oor Mpumalanga en Limpopo teen Suid-Afrika se grens met Mosambiek.

Kontak 012 428 9111 (besprekings); sanparks.org