Wil jy meer oor die Makhonjwaberg leer?
Doen die Barberton Makhonjwageoroete ( geotrail.co.za).
Hierdie selfryroete vier die eiesoortige geologie van die gebied en is 38 km lank. Dit begin by die afdraai na Barberton (waar die R38 en die R40 kruis) en eindig by die Bulembu-grenspos tussen Suid-Afrika en eSwatini.
Daar is 11 aftrekpunte langs die pad met inligtingsborde oor die gesteentes, uitsigte, plante, diere, kultuur en geskiedenis van die gebied. Dit neem sowat ses ure om die hele roete te ry. Jy kan ook ’n gidsboek oor die roete by die Barberton-museum
( 013 712 4208) vir R120 koop.