Kom toer saam in jou eie ryhuis!
HOE DIT WERK
Die toer begin net buite Kaapstad waar jy die sleutels vir jou eie Discoverer 4-ryhuis ontvang. Dis reg, jy ry met jou eie huis op wiele vir die volle tydperk van die toer!
Sodra jy ingetrek het, spring jy weg in die rigting van die Kaapse Wynlande waar jou gashere jou inwag by die eerste kampplek van die toer net buite Tulbagh. Hier prut die kospotte reeds en ’n lekker kampvuur brand, dus hoef jy net ’n kampstoel nader te trek.
Op hierdie vakansie hoef jy glad nie te dink oor waar jy saans slaap of wat jy vir aandete of ontbyt eet nie. Jou gashere ontvang jou elke aand met aandete en groet jou soggens met ’n smaaklike ontbyt voor jy weer pad vat. Jy geniet bloot die reis en besienswaardighede langs die pad. Jy het dus geen kopsere met verblyfbesprekings, braaihout of parkeerplek by besige inkopiewinkels!
SÓ LOOP DIE ROETE
Van Tulbagh af lei die roete jou na die Breederiviervallei en verder oos deur die Klein-Karoo met die bekende R62-roete.
Van Oudtshoorn af swenk jy op na die Groot Karoo se wye vlaktes, voor jy weer kuswaarts mik na die agterplaas van die grootvoete in die Addo-olifantpark. Die welige Tuinroete lei jou weer in ’n westelike rigting en jy gooi selfs ’n draai deur die Overberg en die wynlande van Franschhoek voor jy weer by die vertrekpunt buite Kaapstad eindig.
HOOGTEPUNTE
Kaapse Wynlande
Die ikoniese R62-roete
Die beeldskone ooptes van die Karoo Die welige Tuinroete
Die rustige Overberg
Kamdeboo-, Addo- en
Tuinroete- Nasionale Parke
Asemrowende agterpaaie en bergpasse
Pragtige plattelandse dorpies Riebeek-Kasteel, Barrydale, Prins Albert, Napier en vele meer!
BEGIN- EN EINDPUNT
Bobo Campers-depot, Atlantis
INGESLUIT IN TOERPRYS
Jou eie Discoverer 4-ryhuis, ten volle toegerus vir tot 4 mense
Volle versekeringsdekking vir die voertuig (0% bybetaling)
Ontbyt en aandete, asook koffieen teegeriewe in die kamp
Alle kamptariewe
Die dienste van twee gashere wat jou daagliks in die kamp onthaal
’n Roetegids met aanbevelings vir besienswaardighede langs die pad
VIR JOU EIE SAK
Brandstof
Persoonlike reis- en mediese versekering
Middagetes op die pad
Padkos, snoepgoed en drankies Enige ekstra aktiwiteite langs die pad