Kamp in die Bitouvallei waar die natuur jou inspireer
Hierdie mobiele kamp in die hartjie van die Bitouvallei naby Plettenbergbaai is spesiaal ontwerp om by die omgewing in te pas en bied ’n unieke ervaring in die natuur.
Geniet ’n gesinswegbreek waar jy nie ’n vinger hoef te verroer nie – jy kan net ontspan en die natuurlike omgewing om jou in drink. Jy bly in ’n kenmerkende, luukse tent, beskut in ’n oeroue woud. Die kos kom uit die plaaslike omgewing en word langs ’n kronkelende rivier gemaak en bedien. Stap, roei, ry fiets en kyk voëls saam met ’n gids of ontspan net en herlaai jou batterye in hierdie mooi hoekie van Suid-Afrika.
DIE VOLGENDE AKTIWITEITE IS INGESLUIT BY DIE KOSTE*
• Twee gesonde etes per dag, voorberei deur ons boskokke • ’n Begeleide kano-uitstappie op ’n rivier in die omgewing • ’n Begeleide kusstap • ’n Begeleide uitstappie na die Knysnawoud in ons konsessie-gebied van die Tuinroete- nasionale park • Die kamp het sy eie bergfietse en kajakke vir gaste om te gebruik. • Hier is ’n voëlskuiling naby die kamp, ideaal vir skemerkelkies en fotografie Die volgende aktiwiteite is opsioneel en nie ingesluit by die koste nie, maar ’n bekostigbare pendeldiens kan gereël word. (Bespreek vooraf.) • ’n Uitstappie na Plettenbergbaai • ’n Rit op die Keurboomsrivierpont • Stand-up paddling- en brander
planklesse • Rekspring van die Bloukransbrug af • ’n Verskeidenheid ander aktiwiteite
KOSTE
R1 980 p.p.p.n. wat deel, insluitend aandete en ontbyt. Kinders jonger as 10 betaal halfprys; enkelreisigers betaal 30% meer. Dié intieme kamp is klein; bespreek vroegtydig om jou plek te verseker. * ’n Minimumverblyf van drie
nagte word vereis.