Die Wê­reld van die Woem­pe

Weg stof ’n klas­sie­ke A­fri­kaan­se boek af.

Weg! - - Kortliks -

Sto­rie en te­ke­nin­ge deur Bill Peet A­fri­kaan­se be­ry­ming deur Pie­ter W. Grob­be­laar Hu­man & Rous­seau, 1976 Woem­pe­land is klein, / maar Woem­pe­land is mooi / met Woemp-ri­vie­re wyd / oor Woem­pe­land ge­strooi

Ek het hier­die kin­der­boek in 1984 op my vyf­de ver­jaar­dag pre­sent ge­kry.

Tot van­dag bly dit een van my guns­te­ling­boe­ke. Die oor­spronk­li­ke En­gel­se boek, The Wump Wor­ld, het in 1970 ver­skyn uit die pen van die A­me­ri­kaan­se il­lus­treer­der en a­ni­ma­sie­kuns­te­naar Bill Peet (1915-2002), wat de­ka­des lank by Dis­ney ge­werk het.

Die ver­ta­ling is merk­waar­dig en ’n A­fri­kaan­se boek in eie reg, want Pie­ter W. Grob­be­laar het des­tyds die teks in ’n be­ry­ming her­skryf.

In hier­die boek leer ons die Woem­pe – ou­li­ke, wol­le­ri­ge dier­tjies wat hul­le eie pla­neet be­woon – ken. Maar hul­le har­mo­nie word on­her­roep­lik ver­steur wan­neer die na­re Mor­si­a­ne met hul­le ruim­te­ske­pe vol stoot­skra­pers op die pla­neet toe­sak.

Die Woem­pe vlug na ’n grot ter­wyl die Mor­si­a­ne “met to­ring­muur en koe­pel­dak” die wê­reld mak maak en al hoe meer mors en be­soe­del. Hul­le eens won­der­sko­ne wê­reld ver­gaan in rook en roet.

Maar diep on­der­kant die grond / dwaal die ar­me Woem­pe rond / deur die kron­ke­len­de gan­ge – / elk­een met sy groot ver­lan­ge. / Daar in die duis­ter­nis / proe hul­le son­der lus / aan ble­ke­ri­ge pad­da­stoe­le / en slym­be­dek­te wa­ter­poe­le.

En soos dit ’n Mor­si­aan be­taam, raak hul­le met­ter­tyd moeg vir hul­le eie ge­mors en kies koers na ’n nu­we pla­neet om van voor af te gaan ver­niel.

Die Woem­pe kruip uit die grot en hoe­wel die boek hoop­vol ein­dig, is dit dui­de­lik:

Maar tot die ein­de van die tyd / is Woem­pe­land sy skoon­heid kwyt.

The Wump Wor­ld was saam met die­self­de skrywer se Fa­re­well to S­ha­dy Gla­de (1966) van die eer­ste kin­der­boe­ke met ’n baie sterk om­ge­wings­bood­skap. Ons is be­voor­reg om ’n weer­ga­we in Afrikaans te hê, wat ge­rus weer her­uit­ge­gee kan word.

As jy kyk hoe die mens­dom – ons is im­mers die Mor­si­a­ne – dees­dae die aar­de plun­der, was hier­die boek sy tyd ver voor­uit.

Newspapers in Afrikaans

Newspapers from South Africa

© PressReader. All rights reserved.