Bekroonde weelde in die Bosveld
MEER OOR FIFTY SEVEN WATER BERG
Die malariavrye Welgevonden-wildreservaat en die bekroonde Fifty Seven Waterberg, ’n vyfsterboslodge, is net drie uur se ry noord van Johannesburg. Dié lodge bied die beste in die
bedryf wat luukse verblyf en etes betref. Geniet eksklusiewe wildkykgeleenthede in dié Groot Vyf-reservaat en geniet die wilde skoonheid van die Suid-Afrikaanse bosveld.
Fifty Seven Waterberg is in die hartjie van die Welgevonden-wildreservaat en is bekend vir sy uitsonderlike vyfster-aanbiedinge. Dié lodge bied ongeëwenaarde persoonlike diens en spog met die beste van die Suid-Afrikaanse boservaring saam met luukse verblyf en etes.
Die 35 000 ha-wildreservaat huisves die Groot Vyf, maar ook ’n oorvloed ander wild en meer as 300 voëlspesies.
Die lodge kan maksimum 10 gaste akkommodeer – eksklusiwiteit en privaatheid is dus gewaarborg. “Ons mikpunt was om ’n persoonlike benadering te hê deur ’n professionele maar gemaklike atmosfeer te skep wat ons gaste kan geniet, verduidelik Quintin Wiehahn, direkteur van die WH Leisure Group.
Die lodge se dekor is ’n balans tussen weelde en eenvoud – ’n voorstelling van
alles wat ons land het om te bied. Die kamers het en suite-badkamers en maak oop op ’n private stoep wat uitkyk oor die omliggende grasveld sodat gaste met dié mooi uitsig na aan die natuur kan voel.
Bespreek ’n suite vir jou en jou maat, of bespreek die hele lodge vir ’n private feesviering. Die kombinasie van die goed bestuurde reservaat en die luukse lodge met bedagsame personeel verseker dat jou verblyf besonders sal wees.
“Ons wil hê ons gaste moet ’n egte Suid-Afrikaanse boservaring geniet terwyl hulle uitstekende diens ontvang,” sê Quintin.
“Ons goed opgeleide personeel doen graag ekstra moeite vir ons gaste. Ons streef voortdurend daarna om ons gaste se verwagtinge te oortref en hulle tevrede te stel.”