RYBEWYS, ASSEBLIEF..

As jy jou rybewys gekry het in die dae toe hy nog in jou ID-boekie gepryk het, mag jy ’n woonwa sleep sonder enige ekstra papierwerk – jou ou kode 08-rybewys het in die nuwe stelsel ’n EB-rybewys geword.

As jy jou rybewys ná 1998 gekry het (toe die nuwe kaartstelsel begin is) en jy haak niks groter as ’n bagasiewaentjie vir ekstra pakplek op die langpad of om Saterdae tuinvullis weg te ry nie, kan jy ook gerus wees. Die kode B-rybewys wat jy gekry het die dag toe jy uitpasseer het, is in die haak.

As jy egter tans net ’n kode Brybewys het en jy wil ’n woon- of boswa haak – trouens enigiets met ’n bruto voertuigmassa (BVM) van meer as 750 kg – dan is dit tyd dat jy maar ’n afspraak by die naaste verkeersdepartement maak en gaan uitpasseer.