SLEEPGEWIG RYBEWY4 EN SE

Lanklaas was daar só ’n komplekse onderwerp in die sleepwêreld soos die een ra-kende sleepgewig en rybewyse. Nadat ons in WegSleep #89 uiteengesit het waarvoor jy jou kan staal by die weegbrug – en wat jou te doen staan as jy oorlaai is – is ons oorval met navrae.

Dit blyk ’n geval te wees van nóg ’n vraag wat kop uitsteek sodra ’n ander een beantwoord is. Mense is verward, deurmekaar en kwaad oor die toedrag van sake én die gevoel van magteloosheid oor hulle.

Die goeie nuus is jy kan self iets aan die saak doen.

BÊRE DAAI VINGER

Die inligting op jou wa se plaatjie verskil van wat jou wa weeg. Die tarragewig is swaarder as wat die weegbrug sê en vol- gens die bruto voertuigmassa (BVM) is jy oorlaai as jy enigiets meer as ’n kissie tamaties inpak. Nou is jy kwaad vir die wêreld en jy soek iemand om pa te staan vir die fout.

Hokaai, sê Fanie Marx van die Suid-Afrikaanse Woonwavereniging (Sawa). “Daar is baie oorsake vir die probleem, en die meeste daarvan hou verband met mededinging tussen vervaardigers – en dit kom al van toenterjare af aan. Ja, daar is waarskynlik spaarsaam met die waarheid omgegaan en kanse gevat om seker te maak daardie wa is die ligste op die mark, maar daar dít gaan jou niks help daar by die weegbrug nie.

“Die wet is duidelik: Dit is jóú verantwoordelikheid om seker te maak jou kombinasie is wettig op die pad. Die wetstoepassers gaan nie sê ‘bel gou jou wa se vervaardiger om hierdie petalje te kom oplos’ nie. Ek reken ons moet ophou vinger wys en baklei, en die saak in eie hande neem en dit regstel. Kry jouself by ’n weegbrug, vind uit wat weeg jou wa en doen wat jy moet doen om die papierwerk in orde te kry,” sê Fanie.

MAAK SÓ

Willem Brits, ’n WegSleep- leser van Pretoria, is onlangs deur die proses om sy 2011model Jurgens Exclusive se papierwerk in orde te kry. Hy sê hy het besef hy gaan sy wa se leë gewig weer moet bepaal nadat hy onder meer lugreëling, ’n woonwaskuiwer en ’n bamboesmatras (wat swaarder weeg as die oorspronklike matras) aangebring het.

Hy het sy plaaslike verkeersdepartement gebel en gevra watter weegbrug deur die owerhede erken word. Hy het ’n antwoord gekry en met sy wa se registrasiedokumente in die hand daarheen koers gekies. Daar is Willem gehelp met die weegproses, en die uiteinde van die saak was dat sy leë wa 300 kg swaarder was as die tarragewig wat op die plaatjie aangedui word. Dit het hulle R220 gekos by die weegbrug.

Daarna is Willem-hulle na die toetsterrein toe waar sy wa weer deur die toets gesit is. Die asse, bande en remme is onder meer nagegaan, asook die ligte en weerkaatsers – om seker te maak die wa is padwaardig. Dit het hom R347 gekos.

Willem het toe sy dokumente van die weegbrug en die toetsterrein na die lisensiekantoor geneem waar hy alles ingehan-