ISIHLUKU KUDUTSHULWA UMKA SOMATEKISI ELELE
SEKUQUBUKE indida ngokubulawa kukankosikazi kasomatekisi uNombuso Ngobese (38) waseNquthu okuthiwa udutshulwe ngentululwane yezinhlamvu emzini wakhe. Kuthiwa uNkk Ngobese ungenelwe ngumuntu ongaziwa emzini wakhe wadutshulwa amahlandla amaningi, wagcina ngokushona esesibhedlela. Kwenzeka lesi sigameko nje umyeni wakhe ongusomatekisi ulaliswe esibhedlela ngoba egula. Okhulumela amaphoyisa KwaZulu-Natal, uLieutenant Colonel Thulani Zwane ukuqinisekisile ukuthi amaphoyisa aphenya ngokubulawa kukaNkk Ngobese.