KUNXUSWA UMPHAKATHI UKUTHI UNIKELE NGEGAZI

INHLANGANO emelele ukunikela ngegazi kuleli iSouth African National Blood Service (SANBS) iqhuba umkhankaso kazwelonke wokuba umphakathi ukuthi unikele ngegazi.

Lomkhankaso ubhekiswe kodokotela, abahlengikazi, abasebenzi basemakhemisi, abama-ambulensi, nabanye abasebenzela izikhungo zezempilo. Umyalezo ulula, uthi, ‘Siza, nikela ngegazi, ugweme ingozi. Nikela ngeyunithi yegazi esigulini sakho’.

Abantu abanempilo abaneminyaka esukela ku-16 kuya ku-65, osisindo sabo somzimba singaphezu kuka-50kg nabazivikelayo uma beya ocansini bayamenywa ukuba banikele. AbakwaSANBS KwaZulu-Natali ngoMeyi ngonyaka odlule bebevakashela ezibhedlela zesifundazwe benxenxa abasebenzi bezempilo ukuba nabo banikele ngegazi. Kuphinde kunxuswe abasebenzi bezempilo ukuba bavakashele amagatsha akwaSANBS aseduze nabo, banikele. Ukuthola kabanzi ngalokhu ungashayela inombolo yamahhala ethi: 0800 119031 noma uvakashele u: www.sanbs.org.za.