Bihar bailableak Elizondoko plazan

ELIZONDO – Baztango dantzariak eta Elizondoko gaiteroek antolatutako Bailableak eginen dituzte bihar, 12.45ean Elizondoko Foruen plazan. Ikasturte honetako bigarren hitzordua izanen da, azaroan hasi baitziren hilabetean behin, 2. igandean, dantzarako hitzorduekin. Bertzeak bertze, muxikoak, jotak, larraindantza eta gaita dantzatzeko aukera izanen da. Euria eginen balu, Iriarte pilotaleku estalian izanen litzateke saioa.