KOLEKTIBOA EGITEAREN SENA
●●● Saretik, sarea. Vendetta taldea desegin eta urtebete besterik igaro ez zenean aurkeztu zuen Pello Reparazek bere azken proiektua, ZETAK izenpean. Talde bat izatetik harago kolektibo bilakatzeko senarekin sortu zen, hain zuzen ere, noizbait desberdin eta bakarrik sentitu izan diren horien koletiboa, taldeak hasiera hartan adierazi moduan. Iazko uda hasieran plazaratu zuen bere lehenengo abestia, Errepidean, soinu sutsu eta indartsukoa, sareetara atera ahala harrera ezin hobea izan zuena: uda akabera iritsi zenerako, milioi erdi erreprodukzio bildu zituen You Tuben, 350.000 baino gehiago Spotifyn.