Gaur hasiko da VIII. (H)ilbeltza

Igandera bitartean ekitaldi ugari antolatu ditu (H)ilbeltza elkarteak

ELIZONDO – Iaz ez ohiko gisan ospatu ondotik, gaur betiko formatua berreskuratu duen Euskal nobela beltzaren astearen VIII. edizioa abiatuko da. Lehenbiziko ekitaldian, Idazleekin solasean ekimenaren baitan IV. (H)ilbeltza bekaren irabazlea den Koldo Bigurirekin Agur, maitea, ikusi arte liburuari buruz solastatzeko aukera izanen da. 19.30ean Arizkungo medikuaren etxean.

Ilbeltzaren 26an, asteazkenean, Beñat Hach Embarek-ek Euskal Gaizkileak izeneko lehenbiziko fikziozko podcastaren berri emanen du: nola sortu zuten, nola egin hautaketak eta abar. Eta gurera ekarririk, Baztanekin lotura duenez, Belateko lapurrak kontatuko du, 19.00etan, Anizko elkartean. Ortziraletik igandera ere ekimen ugari izanen dira Elizondon, Erratzun eta Iruritan, tartean, solasaldiak, mahai inguruak, itzuli beltza eta musikarekin gozatzeko aukera izanen da.