Keinu Leihoak zikolaren 18. edizioa antolatu dute Lesakan
Zikloa gaur abiatuko da Harriondoan ‘Hondamendia’ antzezlanarekin
– Mairu Antzerki tailerrak Lesakako udalaren eta Arrano elkartearen laguntzaz antolatutako Keinu Leihoak Antzerki zikloaren hemezortzigarren edizioa asteotan eginen dute Lesakan. Azkenean heldutasunera heldu direla ospatzeko edo, hiru emanaldi eskaini beharrean lau prestatu dituzte. Mairu antzerki tailerretik diotenez, “helduak
LESAKA
gara, baina ez dugu gaztetxoen “kontra” egiteko izpiritua galdu nahi. Izan ere, zerbaiten kontra altxatu edo oihu egiteko motiborik baden bitartean, iraunen baitu antzerkiak”.
Lehen emanaldia gaur 18:00etan eginen dute Harriondoan. Artedrama eta Axut! antzerki taldeen eskutik, Arkaitz Cano idazleak idatzi eta Ximun Fuchsek zuzentutako ‘Hondamendia’ antzezlana ikusgai izanen da. Sarrerak 8 eurotan salgai daude udalaren webean.
Abenduaren 2an, ortziralean 20:30ean, Katiuska taldeak ‘Armiarma’ antzezlana taularatuko du Arrano elkartean.
Sarrera doan izanen da.
Abenduaren 10ean, larunbatean 19:00etan Harriondoa kultur etxean, ‘Intxaurra’ lana eskainiko du Mairu antzerki tailerrak. Sarrera 6 euro gostako da. Hain zuzen, azaroaren 18an Azpeitian estreinatu zuen Mairuk Arnasa Gara egitasmoaren Arnasguneak antzerki-beka irabazi duen antzezlan hau. Mairu antzerki tailerreko Gaizka Sarasolak idatzi du testua, eta Manex Fusch ari da zuzendaritza lanetan.
Arnasguneen garrantzia islatzen duen antzezlana prestatzeko egonaldia egin zuten Azpeitiko Dinamoa Sormen
eta orain herriz herri biran hasiak dira, UEMAKO kide diren herrietan. Lesakako emanaldia baino lehen, abenduaren 3an Iruritan, abenduaren 4an Markina-xemeinen eta abenduaren Abaltzisketan taularatuko dute Intxaurra.
Azkenik, abenduaren 17an, larunbatean 19:00etan Metrogunean koadroka antzerki taldearen ‘Zeozertan dabil baina ez dakit zertan’ antzezlana eskainiko du Harriondoan. Sarrera 6 euro gostako da.