●Mendialdea II Ikastetxe Publikoa.
Berriozarren dagoen eskualdeko eskola bat da eta biltzen dituen ikasleak, Berriozar, Berriobeiti, Xulapain, Izako herri batzuk eta gertu dauden beste zenbait herrietatik datoz, gehiengoa Berriozarkoa izanik. Gure eskola Ezkaba Mendiaren mendebaldeko magalean kokatuta dago, Berriozar herri zaharrerako bidean, hain zuzen ere.
Gaur egun herriko zonalde berriak hartzen du biztanle gehiengoa. Hemen, ikastetxean, mendiaren gertutasunaz gozatzeko aukera izaten dute ikasleek eta noizean behin, mendira ematen duten geletatik, urtxintxak, orkatzak eta bestelako animaliak ikus daitezke.
Mendialdea Ikastetxe Publikoa, 1976. Ikasturtean eraiki zuten. Sortu eta handik urte batzuetara, D ereduan haur batzuk izena ematen hasi ziren. 2011-2012. ikasturtean Mendialdea Ikastetxea eredu linguistikoaren arabera bi ikastetxe desberdinetan banatu zen; Mendialdea I eta Mendialdea II. Gurean, gaur egun, ikas mailaren arabera bi edo hiru lerro ditugu Haur Hezkuntzako eta Lehen Hezkuntzako etapetan. 2022/2023 ikasturtean, aurten, alegia, Mendialdea II eskolan 385 ikasle eta 37 irakasle ditugu. Hezkuntzako laguntza unitatean, bi orientatzaile, bi PT, logopeda bat eta hezkuntza-laguntzako bi espezialista daude. Horretaz gain, atezain bat, ikastetxearen mantenurako langile bat eta administrari bat aritzen dira. Horiek guztiak euskaldunak.