‘Harresiz kanpo’, eskolako abestia eta bideoklipa
IAZ, ARROTXAPEA AUZOAN D EREDUAK 25 URTE BETE ZITUELA OSPATZEKO ABESTI ETA BIDEOKLIP BAT SORTU GENITUEN.
Testua eta argazkia
ditu: gorria, festa; berdea, Ezkaba mendia; urdina, Arga ibaia; eta laranja,eskolakoa.
Behin melodia nagusia eta letra sortuta, musika-tresnak sartzeko momentua zen eta horretarako eskolako guraso eta irakasle talde baten laguntza izan genuen. Ondorengo grabaketa egiteko, auzoko Oskar Elsoren laguntza ezinbestekoa izan zen, bere estudioa utzi zigun eta eskolara etorri zen ikasleen ahotsak grabatzera ere.
Oso momentu garrantzitsu eta hunkigarria izan zen ikasleei, lehen aldiz kanta erakutsi genienean. Hasieratik, txikienetatik handienetara, ilusioz eta gogotsu aritu ziren abestia ikasten. Berehala hasi zen eskolako pasabide eta patioan abestiaren estribiloa entzuten, txistuka, txirulekin, ahotsekin… Abestia jada berea egina zuten eta maite zuten!
Bideokliparen grabaketa egiteko eguna iritsi zen. Eskolako aita den David Bernuesek eta bere lan taldeak izugarrizko lana egin zuten. Auzotik grabaketak egin zituzten, parkean, ibai ertzean eta eskolako eguneroko irudiak ere hartu zituzten. Baina dudarik gabe bereziena eskolako patioan, ikasle, irakasle, beste langile eta Hutsun auzoko txalapartariak bildu ginenean izan zen. Kolorezko puxikak eta haize errotak eskuetan genituela, eskolako kamiseta berriak jantzita, txalapartaren erritmoa jarraituz saltoka eta txaloka aritu ginen.
Ikasturteko azken egunean bideokliparen estrenaldia egin genuen. Ikasturte osoko talde lanaren azken emaitza ikusi genuen eguna bezala gogoan izanen dugu.
Ikus-entzunezko pedagogikoak, euskaraz eta libreak eskaintzen dituzte, euskara hutsean eta edonork ikusteko eran. Irakasle zein ikasleentzat euskaraz egindako informazio gehiagarria aurkitzeko atari baliagarria da, ikasgelan eta eskolatik kanpo erabiltzeko material osagarria eskaintzen du. Horrelako materialak euskaraz eskuratzeko hutsuneaz jabeturik, ekin zioten euskaraz bideoak sortzeari. Euskal Wikilariean Kultura Elkarteak koordinatzen du egitasmoa. Ikusgela.eus web atarian, zein Youtuben eta Wikipedian ikusgai daude. Eduki guztia lizentzia librean sortzen da eta Wikipedia osatzeko erabiltzen da. Lantzen diren gaiak filosofia, ekonomia, euskal literatura eta historia dira.
BIDEOKLIPA MUNDUA ULERTZEKO BIDEOAK
http://www.ikusgela.eus
Nik goizero eskolako motxila eta jantziko dudan arropa prest edukitzen dut eguna hasteko, eta garrantzitsuena, nire gosari goxoa. Ez dut behin ere pentsatu gosaririk gabe eguna hasi beharko nukeenik eta are gutxiago bazkari, askari edo afaririk gabe eguna bukatuko nukeenik. Paris 365 ezagutuz konturatu naiz, mundu honetan gauzak ondo funtzionatu dezaten, besteei laguntzeko prest dauden pertsona eskuzabalak ezinbestekoak direla. Zer egin dezakezu zuk?