Herri kirol jaialdi handia Urdazubin
Ortzegunean, aizkolariak, harri jasotzaileak eta herri kirol txapelketa
– Herri kirol jaialdia antolatu dute abenduaren 8an, 12.00etan Urdazubiko pilotalekuan.
Alde batetik, Urrezko Aizkolari Kopa txapelketa Eusko Label Sariko kanporaketa jokatuko dute Iker Vicentek, Julen Gabirondok eta Julen Larreak. Irabazleak abenduaren 31n Asteasun jokatuko den finalerako txartela erdietsiko du.
Modu berean, binakako harri altxatze txapelketako lehia jokatuko dute Xabier Aranburu Guztak eta Xabal Olaizolak, Jon Unanue Goenatxo III.A eta Hodei Iruretagoiena Izeta Iv.aren kontra.
Azkenik, emakumeen herri kirol txapelketa jokatuko dute (txinga eramatea, harri altxatzea, aizkora eta ingudea) bi talderen artean. Oiz taldean Ane Fernandez, Karmele Gisasola Zelai III.A, Uxue Ansorregi eta Garazi Arruti ariko dira eta Larrun taldean Xanta Sousa, Aroa Sanchez, Nerea Sorondo eta Maika Ariztegi.